Bob Dylanek bi kontzertu emango ditu Donostian

MUSIKA. Bob Dylan musikari estatubatuarrak (Duluth, 1941) Donostiako Kursaaleko auditoriumean joko du ekainaren 19an eta 20an. Sarrerak datorren asteazkenean jarriko dituzte salgai, goizeko hamarretan. Dylan Donostian izango den bosgarren aldia izango da hau. 1989an eta 1999an Belodromoan jo zuen; 2006an Zurriolako hondartzan bakearen alde antolatutako jaialdian hartu zuen parte —Mikel Laboarekin—; eta 2015ean, azkenik, Illunben izan zen.