Bruselarentzat, Kataluniako Zinema Legeak «diskriminatu» egiten du

Europako Batzordeak txosten bat argitaratu zuen atzo, eta horretan adierazi du Kataluniako Zinema Legea «diskriminatzailea» dela, espainiarrak ez diren filmen banaketa zailtzen duelako. Legearen arabera, Katalunian zabaldutako filmen %50 katalanera itzuli behar dira, edo bestela azpidatziekin eman; betebehar horretatik salbu dira gaztelaniaz egindako filmak. Kataluniako Gobernuko Kultura sailburu Ferran Mascarellentzat, «biziki interesagarria eta positiboa» da Europako Batzordearen txostena, «ez baitu zalantzan jarri katalana babestea». Bruselak eskatutakora egokituko direla esan du.