'Collapse into now', R.E.M.-en azken hogei urteotako «lanik onena»

R.E.M. talde estatubatuarrak Collapse into now diskoa kaleratuko du martxoaren 8an. Hamabi abesti berriek rocka, melodia lasaiak eta pop doinuak tartekatzen dituzte. Mike Mills baxu jotzailearen arabera, 1991n Out of time diskoa kaleratu zutenetik egin duten «diskorik onena» da. Ordukoa da, esaterako, Losing my religion abestia. Azken lan honetan Michael Stipe, Peter Buck eta Mills taldekideekin batera hainbat lagunek hartu dute parte grabaketan: Patti Smith abeslari eta poetak, Lenny Kaye gitarristak edota Joel Gibb eta Peaches abeslariek, besteak beste.