Gaur egungo jazzaren divetako bat da Krall (Kanada, 1964). Abesteaz gain, pianoa ere jotzen du, eta generoan ezohikoa den disko kopurua saldu du. Baina bere errepertorio propioa osatzeaz gain, tarteka jazzaren obra ahaztezinen bertsioak ere interpretatzen ditu.
Sandersen emanaldiak ere ikusmina piztuko du. Izan ere, saxofoi jotzaile estatubatuarra inoiz ez da Donostian aritu. 26an joko du askoren esanetan munduko saxo tenore onenetakoa denak.
Eta Jazzaldiaren inaugurazio egunean Gregory Porter abeslaria igoko da oholtzara. Jazz Times eta All About Jazz aldizkarien ustez, jazzean etorkizun oparoena duen bokalista da. 41 urte baino ez ditu, eta kalean bi disko: Water (2010) eta Be Good (2012); biak ala biak Grammy sarietarako hautagaiak izandakoak.
