Don Buchla zendu da, sintetizadoreen sorkuntzan aitzindaria izan zena

MUSIKA. Don Buchla sintetizadoreen diseinatzaile eta sortzaile izan zena hilaren 14an hil zen, 79 urterekin. Robert Moogekin batera, musika elektronikorako sintetizadoreen garapenean egindako lana aitortu izan zaio Buchlari. 1937an jaio zen, eta 1963an eraiki zuen bere lehen sintetizadorea, 100 Series izenekoa, eta gerora iritsi ziren 200 Series (1970) eta 500 Series (1971).