Donostia 2016 Fundazioa abian da

Donostia 2016ko erakunde arteko batzordeak kultur hiriburutza kudeatuko duen fundazioaren estatutuak onartu zituen hilaren 17an eginiko bileran. Proiektuaren atzean dauden hiru erakundeek hitzartu zituzten:Eusko Jaurlaritzak, Gipuzkoako Foru Aldundiak eta Donostiako Udalak. Fundazioaren helburua «Donostia 2016ko Kulturaren Europako Hiriburuaren proiektua eta horren estrategia koordinatzea, plangintza egitea eta kudatzea». Fundazioaren estatutuetan, kontuan hartu dute Espainiako Kultura Ministerioko ordezkari batek bertan parte hartzeko aukera.