Eider Rodriguez eta Unai Elorriaga saritu dituzte Bilboko Liburuaren Azokan

LITERATURA. Bilboko Liburuaren Azoka martxan da. Hilaren 11ra bitarte, 55 erakusmahai izango dira Areatzan, baita liburu aurkezpenak, solasaldiak eta hainbat idazleri egingo dizkioten aitortzak ere. Hain zuzen, atzo eguerdian egin zuten inaugurazio ekitaldian, Eider Rodriguez eta Javier Cercas idazleek Atea-Laboral Kutxa saria jaso zuten. Herenegun, berriz, azoka aurkezteko agerraldian, Unai Elorriagak eta Juan Luis Arsuagak Zilarrezko Luma saria jaso zuten; Bizkaiko liburu saltzaileen elkarteak ematen du aitortza hori.