Eider Rodriguezi emango diote 111 Akademia saria

LITERATURA. «Irakurlea etsipenaren eta oroiminaren arteko eremu lausora daraman literatur lan ederra. Idazkera neurtua eta neurritsua. Estilo aparta. Sakonera handiko erauzte psikologikoa. Protagonistak bere aita definitzen duen moduan definituko du akaso hainbatek nobela hau: gazia eta mingotsa. Zalantzarik gabe, maisulana». Halaxe laburtu dituzte 111 Akademiako kideek euren urteko saria Eider Rodriguezen Eraikuntzarako materiala liburuari (Susa) emateko arrazoiak. Idazleak ekainean jasoko du saria, jendaurreko ekitaldi batean.