Estreinatu zutenetik, jaialdi askotan izan da Oscar Alegria zinemagile iruindarraren Emak Bakia Baita filma. Man Ray artistak Bidarten (Lapurdi) bere pelikuletariko bat grabatzeko erabilitako etxearen bilaketa kontatzen du lanak, eta kritika onak jaso, eta publikoaren harrera ona izan zituen, besteak beste, Donostiako Zinemaldian. Orain heldu zaio lehen saria. Epaimahaiaren aipamen berezia jaso du Montrealgo RIDM Dokumental jaialdian (Kanada).
120 film ziren lehian, eta Alegriaren lanaren «ausardia» nabarmendu du epaimahaiak. «Oso trama aberats eta malgua sortzen du pelikulak, eta, horri esker, batu egiten dira egilearen begirada poetikoa eta mundu materiala».
Bartzelonako L'Alternativa jaialdian izango da filma hil honen bukaeran, eta Iruñeko Ikuspuntu jaialdian otsailean.
'Emak Bakia Baita' filma saritu dute Kanadan
Montrealgo RIDM Dokumental jaialdian jaso du saria Oscar Alegria iruindarraren lehen film luzeak
Iruzkinak
Ez dago iruzkinik
Ordenatu
