Euskadiko Orkestra Sinfonikoak ostiraletik astelehenera artean lau kontzertu emango ditu Alemanian: hiru Dusseldorf-en eta bat Gutersloh-n. Bihar Donostian ariko da, Viktoria Eugenia antzokian, eta Alemanian abestuko dituen piezak entzun ahal izango dira; besteak beste, Juan Crisostomo de Arriagarenak.
Euskal orkestraren nazioarteko hamalaugarren bira izango da; Alemaniako zazpigarrena.
Dusseldorfer Symphoniker, berriz, aste honetan Bilbon, Gasteizen, Donostian eta Iruñean ariko da. Trukeko hartu-emana dute bi erakundeek.
Michael Becker Dusseldorfko orkestrako zuzendariak esan du Euskadikoaren bisitak jakinmina piztu duela, "daukan kultur tradizio bereziagatik".
