Francisco Bajen margolari figuratiboa hil da

ARTEA. Francisco Bajen margolari figuratiboa atzo hil zen Albin (Frantzia), 102 urte zituela. 1912an jaio zen ,Villafranca del Bierzon (Espainia). Espainiako Errepublikako Armadako ofizial zen, eta 36ko gerra garaian Frantziara erbesteratu zen. Harrezkero han bizi izan da. 1953an, Deauvilleko aretoko saria eskuratu zuen. «Isiltasunaren pintorea» zela diote kritikari eta adituek.