Gari (Legazpi, Gipuzkoa) musikariak ostegun honetan eskenatokiei "denboraldi luze baterako" adio esango die, Bilborock aretoan emango duen kontzertuarekin. Esperantzara kondenatua bere azken laneko abestiak joko ditu, hainbat lagunekin batera. Gari (1999), Eguzki berritan zaude (2000) eta 0-tik (2004) diskoetako kantak ere abestuko ditu.
Emanaldia Bilboko Kafe Antzokian zen egitekoa, baina areto hori itxita dago lehengo astetik, kontzertu batean gehiegizko edukiera izatea egotzita Bilboko Udalak hilabeteko zigorra jarri diolako. Bilborock aretora aldatu dute Gariren ekitaldia.
21:30ean hasiko da. Sarrerak hamar euroko prezioa izango du aurretik erosiz gero eta hamabi eurokoa aretoan bertan kontzertuaren egunean erosita.
Musika
Garik "aldi luze baterako" agurraren kontzertua emango du ostegunean, Bilborocken
Bilboko Kafe Antzokian zen abestekoa baina, Udalak hori itxi egin duela-eta, beste aretora pasatu behar izan dute emanaldia.
Iruzkinak
Ez dago iruzkinik
Ordenatu
