Gatibu, zuzenekoak indartu nahian

Bere laugarren diskoa aurkeztu du gaur Gatibu musika taldeak, Gatibu, zuzenean bizitzeko gogoa izenburupean. 2002an, 2005ean eta 2008an argitaratu zituen aurrekoak. Hamabost abestik osatzen dute lan berria: horietatik hamabi zuzeneko kontzertuetakoak dira eta hiru berriak.

Oraingo eskaintzak DVD bat ere badakar; zuzeneko kontzertuekin, batik bat. Elkarrizketa batzuk, bideo-klipak eta hiru kanta berri haiek ere baditu DVDak.

Bi lagun berri sartu dira taldean. Haiekin, "zuzenekoak indartzea" da Gatiburen helburua.