Gaurko filmak

SAIL OFIZIALA

'¡Atraco!'. Eduard Cortes zinemagile katalanak 1955eko negura darama ikuslea. Peron jenerala Panaman dago erbesteratua, kolpe militar batek Argentinako presidentetzatik kendu ostean. Egoera ekonomiko larriak bultzatuta, Evita Pernn emazte zenaren bitxi batzuk saltzea otu zaio.

'Hypnotisören / The Hypnotist'. Stockholmeko etxe batean familia bat bortizki hil dutela kontatzen du Lass Hallstroemek. Poliziak arrasto garbirik aurkitzen ez duenez, Joona Linna komisarioak Maria Bark hipnotizatzailea kontratatu du lekuko bakarrari —15 urteko mutiko bat— galdeketa egiteko.

ZUZENDARI BERRIAK

'Draussen ist Sommer'. Ohi baino uda beroagoa da Friederike Jehnen filmean agertzen dena. Wanda, 14 urteko neska bat, Alemaniatik Suitzara joan da bizitzera familiarekin. Aldaketaren helburua familiaren zauriak sendatzea da, Wandaren aitak izandako amodio istorio bat dela-eta sortuak.

'Shesh Peamin / Six Acts'. Gilly, 16 urteko neska bat, Tel Aviv kanpoaldeko Ramat Hasharon auzo aberatsera joaten da ikastera. Ikasturte erdian, beste eskola batera joaten hasten da, gizarte mailan gora egiteko asmoz. Bi mutil gazte gailentzen dira han, biak oso erakargarriak.

ZABALTEGI

'Emak Bakia Baita'. Man Ray argazkilariak Emak Bakia Baita filmatu zuen 1926an, Miarritze inguruko etxe batean. Filmaren izen bera zuen etxeak; edo alderantziz. Jakin gabe non dagoen, etxe horren bila abiatzen da Oskar Alegria zinemagilea, zoria eta haizea lagun.

'The Angel's Share'. Bere semeak berea ez bezalako bizitza bat izan dezan nahi du Robbiek, Ken Loachen filmeko pertsonaia nagusiak. Ez du nahi semea lapur bihurtzerik. Uste du whisky dastatzaile gisa duen dohainak bide zuzena aurkitzen lagunduko diola.

'Io e te'. Bernardo Bertolucciren filmak Lorenzo 14 urteko mutikoaren berri ematen du. Zailtasunak ditu familiarekin eta bizi den munduarekin harremanak izateko. Horregatik, astebetez etxeko sotoan ezkutatzea erabakiko du. Arrebaordeak hondatuko dio plana, ordea, sotoan agertuz.