Harrera beroa izan du Aitor Arriegi eta Jon Garaño zuzendarien Handia filmak aurrestreinaldietan, eta horren lekuko da Donostiako Nazioarteko Zinemaldian jasotako Epaimahaiaren Sari Berezia. Londresko BFI zinema jaialdian ere erakutsi zuten lana zuzendariek. Bada, herritarrei dagokie orain filmaren balorazioa egitea.
[Vimeo]https://vimeo.com/230735334[/Vimeo]
Migel Joakin Eleizegiren bizitzaren istorioa kontatzen du filmak; XIX. mendean ezagun egin zen, eta Altzoko Handia esaten zioten. Eleizegi Altzoko baserri batean jaio zen, 1818an. 20 urte zituela, gaitz batek jo zuen, eta etengabe hazten hasi zen, 2,42 metro luze izateraino; Europako gizonik garaiena izan zen. Horrek ospea eman zion, eta Europan zehar bidaiatzera eraman zuen, erakustaldiak egiteko. Anaiarekin egin zituen bidaia horietan, Aundiya izen komertziala erabili zuen, orduko zenbait agirik diotenaren arabera, eta horrek ematen dio filmari izena. Eneko Sagardoi du protagonista nagusia filmak, eta harekin batera ageri dira filmean Joseba Usabiaga, Ramon Agirre, Aia Kruse, Iñigo Aranburu eta Iñigo Azpitarte.
Handia filma eskainiko duten zinemen zerrenda:
Bizkaia:
Bilbon: Golem Alhondiga, Cinesa Zubiarte eta Multicines
Getxo: Getxo zinemak
Barakaldo: Colisoe Cinesa Max Ocio eta Yelmo Megapark
Leioa: Cinesa Artea
Portugalete: Dock Ballonti
Elorrio: Arriola aretoa
Gernika: Lizeo antzokia
Lekeitio: Ikusgarri zinema
Bermeo: Nestor Basterretxea aretoa
Galdako: Torrezabal Kultur Etxea
Amorebieta-Etxano: Zornotza aretoa
Gipuzkoa
Donostia: Principe, Atiguo Berri
Usurbil: Cinesa Usurbil
Errenteria: Niessen zinemak
Irun: Ocine Mendibil
Arrasate: Amaia antzokia
Tolosa: Leidor aretoa
Ordizia: Herri antzokia
Azpeitia: Soreasu aretoa
Lazkao: Areria aretoa
Zarautz: Modelo zinema
Legazpi: Zine klub Legazpi
Oñati: Oñatiko zinema
Beasain: Usurbe antzokia
Eibar: Koliseoa
Andoain: Bastero kulturgunea
Zumarraga: Zelai Aristi aretoa
Araba
Gasteiz: Florida, Gorbeia zinemak eta Yelmo Boulevard
Nafarroa
Iruñea: Golem Baiona, Golem La Morea eta Yelmo Itaroa
