George Young hil da, The Easybeatsekin Australiako pop-rockaren ikur izandakoa

MUSIKA. George Young musikari, konpositore eta ekoizlea zendu zen atzo, 70 urterekin, Alberts diskoetxeak jakinarazi zuenez. The Easybeats taldeko kide izan zen, eta pop-rock eszenaren aitzindaria Australian. AC/DC taldeak ere zabaldu zuen albistea, Angus eta Malcolm taldekideen anaia baitzen Young, baita taldearen lehen diskoen ekoizle ere. «Haren laguntzarik eta aholkurik gabe, AC/DC ez zen izango».