GERRAKO IRUDI GEHIAGO

Robert Capa, Gerda Taro eta David Seymour Chim argazkilariek 36ko gerran egindako argazki orain artean ezezagunak ikusteko aukera dago New Yorkeko ICP museoak zabaldu duen Mexikar maleta erakusketan. Caparen laguntzaile batek hiru argazkilarien lanak bildu zituen maleta batean, 1939an, eta maleta hori, gorabehera askoren ostean, itxita egon da oraintsu arte. Goiko irudian, soldadu errepublikazaleak ikusten dira, mezetan, Lekeitiotik gertu.