Gipuzkoako Urrezko Domina jaso du Lertxundik

Benito Lertxundik Gipuzkoako Urrezko Domina jaso zuen atzo Gipuzkoa plazan, Donostian. Orioko abeslari eta konpositorearen ibilbidea eta lana nabarmendu nahi izan du horrela Foru Aldundiak. Horrekin batera, Urrezko Plakak ere banatu zituzten: Ordena Publikoaren Auzitegiaren bortizkeria eta errepresioa jasan zuten emakumeek eta Beroa Gipuzkoako Harrera Familien Elkarteak jaso zituzten. Dantza, musika eta ikus-entzunezkoak izan ziren ekitaldian, eta Martin Garitano ahaldun nagusiak omendu guztiei eskerrak eman zizkien ekitaldiaren bukaeran.