Gontzalo Pelaes Egan, Trabuko eta Kiñu musika taldeetako kide izandakoa hil da

Gontzalo Pelaes musika talde ezagunetan ibilitakoa hil egin da, gaixotasun baten ondorioz. Egan, Trabuko eta Kiñu taldeetan ibilitakoa da, bajoa jotzen. 2005ean Egan taldeak 35 urte bete zituela-eta elkarrizketa egin zioten Gontzalo Pelaesi, honela zioen bertan: "Ni 1974an sartu nintzen Egan taldean, Iñaki Arenas soldadu joan zenean, hain zuzen. Egan, berbenetarako euskal talderik ez zegoela-eta sortu zen, kantu ingelesak euskaratuz".

Pelaes Idiazabalen jaio baldin bazen ere, urte askoan Azpeitian bizi izan da. Haren aldeko hileta elizkizunak gaur izango dira, 19:30ean, Azpeitiko Parrokian.