Ikuspuntu jaialdiak Baudelaire eta Vazen lanak saritu ditu 'ex aequo'

Hamalaugarren aldia izan du aurten Ikuspuntu Nafarroako Zinema Dokumentaleko Nazioarteko Jaialdiak, eta atzo iluntzean banatu zituen sariak. Sail Ofizialean, bi lanek ex aequo jaso dute sari nagusia: Eric Baudelaire zuzendariaren Un film dramatique eta Ana Vaz zinemagilearen Apiyemiyekî? izan dira lanik onenak, epaimahaiaren iritziz. Zuzendaririk onenaren Jean Vigo saria, berriz, Lawrence Abu Hamdanek irabazi du, Once Removed lanari esker. Eta film labur onenaren kategorian, Ben Riversen Now, at Last! lanari egin diote aitortza. Halaber, bi lanek epaimahaiaren aipamen berezia lortu dute: Melisa Liebenthalen Aquí y allá-k, eta Kathryn Elkinen Queen-ek. Azken horrek, gainera, Gazteriaren saria ere eskuratu du. Publikoak ere urtero aukeratzen du bere lan gogokoena, eta Sung-a Yoonen Overseas izan da aurtengoa.

Bestalde, X Films deialdiko batzordekideek Alberto Garciaren Tengan cuidado ahí afuera egitasmoa aukeratu dute.