"Plaza ukatu zaion bertsolari emakume belaunaldi baten ordezkari gisa" hautatu dute Iñaxi Etxabe (Oikia, Zumaia, 1933) Gipuzkoako Bertsolari Txapelketako antolatzaileek, datorren abenduaren 16ko finalean garaile suertatuko denari txapela jartzeko. Gaztetatik izan zuen bertsozaletasuna Etxabek, nahiz eta urte luzez ezin izan zuen plazan kantatu, garai jartan ohikoa ez zenez gero.
Finala izan den leku berean, Illunbeko zezen-plazan aurkeztu dute abenduaren 19ko finala zortzi protagonistek: Beñat Gaztelumendik, Alaia Martinek, Iñaki Apalategik, Arkaitz Oiartzabal 'Xamoa'-k, Agin Rezolak, Unai Agirrek, Oihana Iguaranek eta Jon Maiak. Guztiek nabarmendu dute "final polita" geratu dela, "kolore askotakoa eta belaunaldi desberdinen erakusleiho".
[Youtube]https://youtu.be/Hr04BqjsErQ[/Youtube]
FINALAREN EZAUGARRI NAGUSIAK
Parte-hartzaileak
Zortzi bertsolari: Agin Laburu, Alaia Martin, Arkaitz Oiartzabal "Xamoa", Beñat Gaztelumendi, Iñaki Apalategi, Jon Maia, Oihana Iguaran eta Unai Agirre.
Bi aurkezle: Saroi Jauregi eta Ion Zaldua.
Sei epaile: Eneritz Azkue, Elisa Iztueta, Maite Sukia, Zigor Leunda, Bakarne Urreaga eta Mikel Lersundi.
Hiru idazkari: Joxe Mari Altuna, Ane Errazkin eta Gorka Segurola.
100 lagun inguru egongo dira lanean, dena behar bezala atera dadin.
Sarrerak
www.bertsosarrerak.eus webgunean daude salgai.
Ohi bezala, Bertsozale Elkarteko bazkideek prezio berezia dute sarreran, 15 euro. Gaztetxoen sarrera 10 euroan da, eta gainerakoena 20 euroan.
