Gaur gaueko kontzertua dela eta, Gloria Gaynor musikariak prentsaurrekoa eskaini du goizean Donostiako Viktoria Eugenia antzokian. Bertan adierazi du hondartzako Agertoki Berdean jotzea berezia izango dela: "Nire dohaina partekatzeko aukera bikaina da".
Kontzertuan beste hiru abeslari, zazpi musikari eta koro batekin arituko da, eta, Gaynorrek esan duenez, bere abesti ospetsuenak joko dituzte, horien artean I Will Survive eta I Am What I Am. Abesti berriagoak ere jo nahi dituela azaldu du, baina denak izango dira insipiratzaileak; izan ere, bere musikaren xede nagusia hori da, Gaynorren hitzetan.
