Gaixotasun baten ondorioz, atzo hil zen Jose Luis Barberia Villabona Zili bertsolari leitzarra, 41 urte zituela. Txapelketetan eta sariketetan ibilitakoa zen, nagusiki 2010eko hamarkadan: Nafarroako Bertsolari Txapelketan parte hartu zuen 2010. eta 2011. urteetan.
Urte horietan, finalista izan zen bertsolari gazteentzako Izeta eta Xalto sariketetan, hurrenez hurren. Bardoak Nafarroako taldekako bertsolari txapelketan ere ibilitakoa zen Leitzako taldearekin, bai kantari, bai aurkezle.
