Jose Luis Zumeta margolaria, liburu ilustratzaile lanetan

Haur eta gazte literaturako liburu berrien zerrenda —aldamenean ematen duguna baino askoz luzeagoa berez— ohiko izenez hornitua dator aurten ere: Juan Kruz Igerabide, Arrate Egaña, Karlos Linazasoro, Xabier Mendiguren Elizegi, Karlos Santisteban, Antton Kazabon... Ilustratzaileen artean bada berritasun aipagarririk hala ere, Jose Luis Zumetaren ilustrazioekin kaleratuko baita Pako Aristiren Scott Barberenaren bizitzako lehen pausoak, Elkar argitaletxearen Scott Barberena sail berrian. Haurrentzat idatzitako poesia eta antzerkiko liburu bana baino ez da izango: Xabier Olasoren Tximeletrak eta Alaitz Olaizolaren Sekretuen lapurra, hurrenez hurren.