RIP taldearen sortzaile eta gitarra jotzaile Jul Bolinaga hil zen larunbatean, Bergaran, The Potes taldearekin gaztetxean jotzen ari zela. Herriko Txapa irratiaren 30. urteurreneko kontzertuan jotzen ari zela, bat-batean lurrera erori zen, 19:30ak aldera. Larrialdi zerbitzuak Bergarako Gaztetxera joan ziren, baina ezin izan zuten salbatu.
Txerra Bolinaga bateria jotzailearen anaia zen Jul, eta biekin batera Eduardo Mancebo Portu-k (baxua) eta Carlos Agirreurreta Mahoma-k (ahotsa) osatu zuten RIP laukotea, Arrasaten. 80ko hamarkadako Euskal Rock Erradikalean talde nabarmenetakoa izan zen. Hiru disko argitaratu zituzten, hirugarrena Eskorbuto taldearekin batera.
