'Joao'

Bebel Gilberto kantari brasildarrak 30 urte baino gehiago behar izan ditu bere aita Joao Gilberto zenaren ezinbestekoaren errepertorioa bisitatu eta berrirakurtzeko. Bebelek ibilbide emankorra egin du bien bitartean: adibidez, XXI. mendeko lehen hamarkadan figura klabea izan zen elektronika brasildarraren bilakaerarako, eta handik aurrera bertako musikararik ezagunenetakoa bilakatu da. Joao hau, omenaldia baino gehiago, aitaren errepertorioan zehar maitekiro egindako ibilalditxo bat da.