Gaixoaldi luze baten ondoren, asteazkenean hil zen Patxi Hipolito Blazquez kultur eragile oñatiarra, 44 urterekin. Kulturari lotutako hamaika lanetan ibili da: Oñatiko Udaleko gazte teknikari, Gaztelekuaren arduradun, Gaztemaniak!-eko sustatzaile, editore...
Potxo Edizioak sortu zuen 1996an,«produkzio kulturalaren esparruan gauza bereziak egiteko». Atzerriko literaturako obrak zein hemengoen komikiak argitaratu ditu Potxok. Baita disko-liburu bat ere: Zura bandaren Ilargi handi, zauri zarae.Joan den maiatzean kaleratu zuen azken liburua: Henry D. Thoreau filosofoaren Desobedientzia zibila. Bereziki gogoko zuen Hipolitok Thoreau, borroka baketsu bidez gizartearen homogeneizazioaren kontra eragitea baitzuen xede bere lanak eta biziak.JON FERNANDEZ
Kultur eragile emankorra
Iruzkinak
Ez dago iruzkinik
Ordenatu
