Kutxa Kultur Festibala, Igeldoko jolas parkean

MUSIKA. Kutxa Kultur 2012ren programazioaren barruan, Kutxa Kultur Festibala musika independenteko jaialdiaren bigarren ekitaldia Donostiako Igeldo auzoko jolas parkean egingo dute, irailaren 7an eta 8an. Parte hartuko duten taldeen izenak 20 egunen buruan jakinaraziko dituzte; kanpoko zortzi talde eta Gipuzkoako hamar ariko dira —lehiaketa bidez hautatuak—. Komiki eta film laburren lehiaketak ere izango dira Kutxa Kultur 2012n.