Larrazabal eta Amenabarrentzat lehen bi saioak

BERTSOLARITZA. Ekaitz Larrazabal Katxo bertsolaria nagusitu zen Bizkaiko Bertsolari Txapelketako udaberriko faseko lehen saioan. Bilboko BBK aretoan jokatu zen saioa, eta 160,5 puntu eskuratu zituen, Asier Legarreta (158 puntu) eta Mikel Goirienaren (153,5) aurretik. Derion jokatu zen bigarren saioa, eta Malen Amenabar nagusitu zen (167,5 puntu). Aissa Intxausti (156) eta Mikel Retolaza izan zituen atzetik (151,5).