Leire Salaberriaren 'Hiltzaileak' albuma kalean da, Etxepare sariaren irabazlea

LITERATURA. Leire Salaberriaren (Andoain, Gipuzkoa, 1983) Hiltzaileak album ilustratua kaleratu dute. Lan horrek irabazi du Nafarroako hainbat toki-entitatetako euskara zerbitzuek eta Pamiela argitaletxeak antolatutako Etxepare saria. Yolanda Arrieta eta Patxi Zubizarreta idazleek eta Mikel Valverde ilustratzaileak osatu dute epaimahaia. Ohikoa ez den teknika bat erabili du: pirograbatua oholaren gainean.