Liburu denden saria jaso du 'Caliban eta sorgina'-k

Joan den urtean argitaratu ziren liburu onenak aintzatesteko, bere sariak banatu zituen atzo Nafarroako liburu denden Diego de Haro elkarteak, Iruñean egindako ekitaldi batean. Euskarazko lanik onena izan zela iritzita, Silvia Federiciren Caliban eta sorgina saiakera saritu zuen, Edurne Lazkanok eta Aitor Arrutik euskaratu eta Eskafandra bilduma feministak iaz plazaratu zuena. Beste bi lanek ere jaso zuten saria: Eduardo Halfonen Duelo (Libros del Asteroide), gaztelerazko lanen kategorian, eta Jesus Marchamaloren eta Marc Toricesen Cortazar (Nordicalibros), liburu ilustratuen atalean. Irudian, sarituak, atzo.