'marimbitiaos'
Egilea. Rizomagic. Diskoetxea. Polen Records.
Bogotako bikoteak hautsi egiten ditu, hein handi batean, Kolonbiako musika elektronikoaren topikoak. Ukitu latinoak edonon, baina cumbia gutxi; bai, ordea, hain ezagunak egiten ez zaizkigun porroa eta hari lotutako marinbak, danborrak... Izen egokia aukeratu dute beraz kantu bilduma honetarako. Alde horretatik, bereziki erakargarria gertatzen da lehenengo lan luze hau, ez delako ohiko formula errepikatzen duen erraz dantzatzeko beste disko bat. Ia erabat instrumentala, gustura entzuten den diskoa da, ukitu jostalariz betea, non soinu organikoak eta elektronika, apur bat, vintage-a nagusitzen den.
