Beteta egongo da gaur Labrit pilotalekua, Nafarroako Bertsolari Txapelketako finaleko saioa ikusteko. 1.300 sarrera zeuden, zortzi bertsolariak zuzenean ikusteko, eta guztiak salduta zeuden joan den astea bukatzerako. Jadanik sarrerarik ez duenak, beraz, ez du finala bertan ikusteko aukerarik izango. Interneten bai, ordea. Nafarroako Bertsozale Elkarteko kideek zuzenean ikusiko baitute saioa sarean; www.bertsoa.com web orrialdean.
Bestalde, antolatzaileek aurreratua dutenez, final berezia izango da aurtengoa. Orain arte egindakoen moduko azkena. Txapelketaren formatua aldatu egingo da datorren urtetik aurrera. Orain arte urtero izan da txapelketa eta finala, baina hemendik aurrera ez da hala izango. Halere, ez dute txapelketa berriak izango duen egiturari buruzko datu zehatz gehiagorik eman.
Sarrerarik gabe geratu direnek Interneten bidez ikusi ahal izango dute finala
Iruzkinak
Ez dago iruzkinik
Ordenatu
