Uri Cainek irekiko du 365 Jazz Bilboren udazkena

MUSIKA. Uri Caine piano jotzaileak asteartean Campos antzokian egingo duen emanaldiarekin jarriko da abian 365 Jazz Bilbo programazioaren udazkeneko denboraldia. Barbara Walker kantaria lagun duela, Bedrock taldearekin ariko da Uri Caine, 20:00etan. Urriaren 23an, Archie Shepp Quartet ariko da, eta azaroaren 29an, EHUko Abesbatzaren jazz laukotea.