Azkena Rock jaialdiko antolakuntzak jakinarazi du zein izango den 2015eko lehen kartelburua: ZZ Top talde estatubatuarra. 1970eko hamarkadan sortu zuten taldea Houstenen Billy Gibbonsek (ahotsa eta gitarra), Dusty Hillek (baxua) eta Frank Beardek (bateria), eta gaur egun ere hirurek osatzen dute taldea. Haien ibilbidean 25 milioi disko baino gehiago saldu dituzte AEBetan.
ZZ Top taldearekin batera ariko dira Red Fang, The Dubrovniks, Chuck Ragan and The Camaraderie, Highlights eta zehazteko dauden beste hainbat talde.
Bi egunetarako txartelak Azkena Rocken webgunean eros daitezke.
