Gasteizko Udaltzaingoak abisua jaso zuen atzo, arratsaldeko lauretan, Forondako Atean eraso bat jazo zela esanez, «ziurrenik indarkeria matxistarekin zerikusia zuena». Bertaratutakoan, agenteek bikote bat aurkitu zuten bertan: 30 urteko gizon bat eta 18 urteko emakume bat.
Bikotea eta lekuko bat galdekatu ostean, udaltzainek ondorioztatu zuten gizon-emakumeek elkarri eraso ziotela, eta gizona atxilotu zuten, indarkeria matxista egotzita. Emakumea ere atxilo eraman zuten agenteek, hark ere bikotekideari eraso egin ziola iritzita.
