Atzo, 17:30ak aldera, auto istripu larri bat gertatu zen N-104 errepidean, Matauku parean (Araban). Bi autok parez pare jo zuten elkar. Gidari bat zauritu zen, eta bestea autoan harrapatuta geratu zen.
Larrialdi zerbitzuak bertaratu zirenean, zauritutako gidaria Txagorritxuko ospitalera eraman zuten. Beste autoko gidaria, aldiz, harrapatuta geratu zena, suhiltzaileek atera zuten, baina berandu zen ordurako. Osasun zerbitzuek ezin izan zuten suspertu.
Errepidea itxi behar izan zuten, eta iluntzean hala jarraitzen zuen oraindik. Ertzaintzak istripuaren nondik norakoak argitzeko ikerketa abiatu du.
