Gasteizko Barratxi kaleko industrialde batean hasitako suteak bi kamioi kiskali eta bost pabiloiri kalteak eragin dizkie bart gauean, Eusko Jaurlaritzako Segurtasun Sailak adierazi duenez. Sutea Gamarra aldeko industrialdeko garraio enpresa batean piztu da, bart gaueko hamaika eta erdiak aldera, Europa Press albiste agentziaren arabera. Enpresa horretako bi kamioi kiskali ditu suak. Suhiltzaileak bertaratu ziren sutea itzaltzeko, eta laster izan zuten kontrolpean. Garrek, ordea, lau pabiloi hondatu dituzte, eta beste bati kalte txikiagoak eragin dizkiote. Ez da ez zauriturik eta ez kalte pertsonalik izan sutearen ondorioz.
Sute batek bi kamioi erre eta bost pabiloi hondatu ditu Gasteizko Gamarrako industrialdean
Arabako hiriburuko Barratxi kaleko garraio enpresa batean hasi da sutea. Ez da inor zauritu, Segurtasun Sailak jakinarazi duenez.
Iruzkinak
Ez dago iruzkinik
Ordenatu
