2024ko urtarrilean onartu zuen Gipuzkoako Mendizale Federazioak Berdintasun Plana, «federazioaren eremu guztietan emakumeen eta gizonen arteko berdintasunaren alde egiteko konpromiso argiarekin», planaren sarreran jasotzen denez. Hala dio sarrerako testuak: «Tradizioz, mendizaletasuna eremu maskulinoa izan da, eta emakumeak ez dira bertara erraz iritsi. Gainera, genero bakoitzari sozialki esleitutako estereotipoek eta rolek baldintzatu eta mugatu egin dute emakumeen parte hartzea».
Konpromiso horri erantzunez eratu zen Berdintasun Kontseilua, gehienbat emakume mendizaleek osatuta. Gerozko, hilabeteetan lanean ari da lantalde hori, plana bera gauzatzeko eta berdintasunerantz urratsak egiten jarraitzeko. Egitasmo horietako bat izango da emakumeei soilik zuzendutako lehen ibilaldi neurtua, urriaren 19an.
Informazioa
- Irteera: 09:00etatik 09:30era.
- Non: Urdaburu Mendizale Elkartean (Juan de Olazabal Kalea, 23. Errenteria, Gipuzkoa).
- Izen ematea: Galdetegi hau bete behar da.
- Prezioa: urriaren 15era arte 5 euro; egunean bertan 10 euro.
- Partaideak: 16 urtetik gorako emakumeak.
- Ibilbidea: 12 kilometro (330 m+). Zirkularra: Urdaburu Mendizale elkartea, Pontika auzoa, Beraun auzoa, Kutarro, Bizarain, Aitzetako Txabalako Trikuharria, Txirrita Maleo, Pontika, Koldo Mitxelena Plaza, Biteri kalea, Urdaburu Mendizale elkartea.
- Jan-edana: Bukatu ondoren elkartean janaria eta edaria egongo da.
