Irrintzi bat Euskal Herriaren erdigunetik

Urriaren 12an egin zen Euskal Herriaren erdigunerako ibilaldia, Euskal Herriko Mendi Biltzarrak eta Sakana aldeko mendi taldeek eta elkarteek antolatuta. Aritz Gorostiagak bideo hau ondu du, eguna zer izan zen laburtzeko. Eguraldi paregabea lagun, Senosiaindik, Irañetako bordatik eta beste zenbait lekutatik igo ziren mendizaleak Olibesarioko saroira. Han, gure lurraldearen erdigunetik hainbat aldarri aireratu zituzten: batasuna, mendiari lotutako herri bizi eta anitz baten aldeko aldarria, lurrarekiko errespetuaren eta askatasunaren aldekoa, Euskal Herri osoko mendizale guztiak batzen dituen Euskal Herriko Mendi Biltzarraren aldekoa, Palestinaren eta euskal selekzioaren aldekoa...