Birkbeck Collegeko Ekonomia Politikoko irakaslea da Stobart, eta argi dio The Guardian egunkarian argitaratutako artikuluan: "Kataluniak terroreari emandako erantzunak erakusten du prest dagoela independentziarako".
Beste leku batzuetako atentatuez bestera, Stobartek nabarmendu du "ezohiko" faktorea dagoela Kataluniakoan: "Jomugan zegoen lurraldea sezesiora eraman dezakeen eztabaida nazional baten erdigunean dago".
Egileak begiratu bat eman die azken egunetan izandako hainbat eztabaidari; besteak beste, gogorarazi du mossoek kudeatu dutela egoera, eta horiek Europoletik kanpo utzi dituela Espainiako Gobernuak.
Halaber, goretsi egin du Bartzelonako herritarren erantzun "duina", eta azpimarratu gaur-gaurkoz "politikoki zailagoa" dela erreferendumaren aurkako erantzun "autoritario" bat.
