Emakumeen kontrako indarkeria
Abuztu hasieratik 200 andrazkotik gora bortxatu dituzte Darfurreko errefuxiatu eremu batean
Sudango Darfur eskualdeko paramilitarrek errefuxiatuen kontra sexu indarkeria erabiltzen dutela salatu du Erreskaterako Nazioarteko Batzordea elkartasun erakundeak. Darfur eskualdeko Kalma errefuxiatu eremuan gertatutakoa da horren adibide gordinetako bat: hilaren hasieratik 200 emakumetik gora bortxatu dituzte.
Oro har, Darfurreko egoera gero eta bortitzagoa dela ohartarazi du gobernuz kanpoko erakunde horrek, eta emakumeen kontrako erasoak horren adibide direla adierazi dute. Erasotzaileak zeintzuk diren ez dute argi eta garbi esan, baina Sudango Gobernuaren aldeko janjauid milizietako kideak direla iradoki dute.
Iruzkinak
Ez dago iruzkinik
Ordenatu
