Arma merkataritzak inoizko etekinik handienak ekarri dizkie AEBei 2011. urtean; 53.000 milioi euroren irabaziekin. The New York Times egunkariak zabaldu duenez atzerrira saldutako arma kopuruak nabarmenki gora egin zuen iaz. Saudi Arabia, Arabiar Emirerri Batuak eta Oman izan dira hartzaile nagusiak, hedabide horren arabera. AEBek esportatzen dute munduko armen merkatuaren %78. Errusia dago bigarren postuan. Iaz, 3.800 milioi euro irabazi zituen.
2010ean 17.100 milioi euro inguru lortu zituzten AEBek, eta 2009an, 24.700 milioi euro. Munduko krisi ekonomikoak salmenten beheraka ekarri duen arren, Iranen programa nuklearrak sortutako tentsioek armen salerosketa areagotu dutela adierazten du egunkari estatubatuarrak.
