Ameriketako Estatu Batuetako (AEB) armdako hegazkinek bi misil bota dituzte gaur Pakistanen eskola koraniko baten kontra, eta zortzi lagun hil dituzte. Danday Darpakhel herrian izan da erasoa, Pakistango iparraldean, bertan Yalaludin Haqqani buruzagi integristak egoitza duelakoan.
Irailean antzeko erasoa jaso zuten han, eta hamabi lagun zendu ziren. AEBek Pakistango iparraldean azkeneko hilabeteetan dozena bat eraso egin dituzte, Al Kaedako buruetakoak bertan daudela uste dutela-eta.
Pakistango Parlamentuak aste honetan bertako Gobernuari eskatu dio ez dezala onartu kanpoko esku-hartzerik, baita kanpo harremanetarako politika propioa izan dezala ere.
Mundua
AEBek zortzi lagun hil dituzte Pakistanen, eskola baten kontra misilak botata
Azkeneko hilabeetan antzeko erasoak egin dituzte Pakistango iparraldean, Al Kaedako buruetakoak bertan daudelakoan.
Iruzkinak
Ez dago iruzkinik
Ordenatu
