Ahmed Nazif teknokrata izendatu dute lehen ministro kargurako

Ahmed Nazif teknokrata lehen ministro izendatu zuen atzo Egiptoko presidente Hosni Mubarakek. Lehen ministroak hiru eguneko epea izango du orain bere gobernua eratzeko. Ahmed Nazif (Kairo, 1952) informatika injeniaria da eta 1999. urtean Komunikazio eta Informatika ministro izendatu zuten. Denbora tarte honetan lan eskerga egin du herrialdean Internet ezarri eta ordenadoreen kopurua areagotzeko. Lehen ministroaren aurreneko zeregina, dena den, Alderdi Nazional demokrata berritzea izango da.