Al Jazeera telebista kateak AEBetako iturriak aipatu ditu 208 presoren askatasunaren berri ematerakoan. Hala ere, berria ez dute baieztatu oraindik. Kartzela horretan 10.000 preso inguru daudela diote zifra ez ofizialek.
Bestalde, AEBetako presidente George W. Bushek Irakeko presoei egin tortura eta tratu txarrak ikertzeko eskatu du. Ikerketa eginda, ekintza "lotsagarri" horiek egin dituzten soldaduak zigortuak izan daitezen eskatu dio, gainera, defentsa ministro Donald Rumsfeldi.
Nazio Batuen Erakundeko (NBE) Giza eskubideetarako goi mandatari Bertrand Ramcharanek berriz, Iraken giza eskubideak errespetatze ote diren edo ez aztertzea agindu du. Hala ere, ikerketa egingo dutenak ez dira Irakera joango, "segurtasun arrazoiak" direla-eta.
Lau irakiar hil dituzte soldadu estatubatuarrek
Borrokak ez dira amaitu iraken, eta gaur, AEBetako soldaduek lau irakiar hil dituzte Bagdadeko ipar-ekialdean, tiroka, irrati kate batek zabaldu duenez. Irrati horren arabera, atzo gauean irakeko auzo baten kontra tiro egin zuten soldadu estatubatuarrek, han, Irakeko erresistentziako kideak ezkutatzen zirela pentsatuta. AEBetako iturrien arabera, berriz, Bagdadeko nazioarteko aireportuan zegoen helikoptero militar bati eraso egin zioten irakiarrek, eta soldaduek tiroz erantzun.
Irakeko inbasioa
Al Jazeera telebista kateak zabaldu duenez Abu Gharib kartzelako 208 preso irakiar askatu dituzte AEBek
Al Jazeera telebista kateak jakitera eman duenez, Abu Gharib espetxeko 208 preso askatu dituzte gaur estatubatuarrek. Kartzela horretakoak dira zabaldu diren tortura irudiak. Bestalde, Bushek tortura salaketak ikertzeko esan du, eta NBEko Giza Eskubideen mandatariak Irakeko Giza eskubideen egoera ikertzeko. Han, borrokak ez dira amaitu, eta AEBetako soldaduek lau irakiar hil dituzte Bagdaden.
Iruzkinak
Ez dago iruzkinik
Ordenatu
