Gaur gauean Bagdadeko Sadr City auzoa airez erasotu dute soldadu estatubatuarrek. Borroka horietan hiru irakiar xiita hil dituzte, eta lekukoek esan dutenez, eztanda handiak entzun dira. Gainera, gerra hegazkinak hiriaren gainean ibili dira, eta al-Sadrek auzoan duen egoitza guztiz txikitu dute.
Kirkuken, berriz, bi atzerritar eta irakiar bat hil dituzte, tiroka. Hildako atzerritarretako bat hegoafrikarra zen, eta bestea Zelanda Berrikoa. Biek Kirkukeko petroleoari lotutako berreraikuntza enpresa batean egiten zuten lan. AK-47 fusilaerekin erasotu dituzte, eta han bertan hil.
Irakeko inbasioa
Al-Sadren Bagdadeko bulegoa bonbardatu dute AEBetako soldaduek
Muktada al-Sadr buruzagi xiitaren Bagdadeko bulegoa bonbardatu dute gaur soldadu estatubatuarrek, eta iturri ofizialek 16 irakiar hil dituztela zabaldu duten arren, Abdel Hadi al Darji buruzagi xiitak hildakoak hiru besterik ez direla esan du. Bestalde, Kirkukeko errepide batean zihoazen ibilgailua tirokatuta bi atzerritar eta irakiar bat hil dituzte.
Iruzkinak
Ez dago iruzkinik
Ordenatu
