Nolanahi ere, ez da milizia xiiatek horrelako deialdi bat egiten duten aurreneko aldia. Aitzitik, abuztuaren 13an Erresuma Batuko Sunday Telegraph egunkariko kazetari James Brandon bahitu zutenean eskaera bera egin zuten, eta 24 orduko epean aske utzi zuten bahitzaileek.
Georges Malbrunot eta Christian Chesnot kazetari frantziarrak — Le Figaro egunkariko berriemailea da lehena, eta Radio France eta Radio France Internationalekoa bigarrena— Irakeko Armada Islamistak dauzka gatibu. Aske uztearen truke, eskoletan zapi islamikoa eramatea galarazten duen legea bertan behera uzteko eskatzen diote Frantziako Gobernuari. Hasiera batean, atzo gauerdi arteko epea eman ziote Parisi, baina beste 24 orduz luzatu dute epe hori.
Kazetari frantziarrak bahituta Iraken
Al Sadren Mehdi Armadak kazetari frantziarrak aske lagatzeko eskatu du
Moktada Al Sadr imam xiitak gidatzen duen miliziano taldeak, Mehdi Armadak, Iraken bahituta dauzkaten bi kazetari frantziarrak aske uzteko eskatu du. "Kazetariak aske lagatzeak Irakeko herria babesten duen Frantziarekin loturak sendotzeko balioko du", adierazi du Jusef Al Nasseri Al Sadren laguntzaileak.
Iruzkinak
Ez dago iruzkinik
Ordenatu
