Urtebete baino gehiago da Abdullah Ocalan PKK Kurdistango Langileen Alderdiko buruzagiari komunikazioak eta bisitak galarazi zizkiotenetik. 1999an atxilotu zuten, eta harrezkero Imraliko irlan dago preso.
Ocalanen egoeraren aurka protesta egiteko, gose greba abiatu zuten duela bi aste Estrasburgon (Frantzia) Shengal Diasporako Biltzarreko bost kidek —Fikret Ä°grek, PeÅŸimam Ekrem Deniz, Bozo Bacini, Bedirxan Kahraman eta BeÅŸir Ezidik—. Barualdira batuz joan dira egunotan beste talde batzuetako kideak, eta handituz joango da multzoa: gaur, bi emakume kurduk ekingo diote gose grebari, eta, bihar, Emakume Kurduen Mugimenduko bi kidek.
[Youtube]https://youtu.be/Xs3cSn9JAyo[/Youtube]
Estrasburgokoaz gain, beste baraualdi bat abiatu dute Ameden, Ipar Kurdistango hiriburuan. Bi egun daramatzate, eta politikariak, kazetariak, artistak eta beste esparru batzuetako langileak ari dira greban. Lehen egunean, ehunka bisita jaso dituzte grebalariek: besteak beste, HDP Herrien Alderdi Demokratikoko diputatuenak, DTK Gizarte Demokratikoaren Kongresuko kideenak eta HDK Herritarren Kongresu Demokratikokoenak.
