Interneteko Eurominority atariak -www.eurominority.eu- Europako estaturik gabeko herrialdeen atlas bat plazaratuko du martxoaren amaieran. Editions du Temps argitaletxeak argitara emango duen atlas horretan, Europako 30 herrialderen datuak -Euskal Herria barne- aurkituko dira. Emango diren argibideen lagungarri, 60 mapa ere izango dira atlas horretan.
Eurominority internet gunea 1999an sortu zuen Mikael Bodlore-Penlaezek. Atlas horren erredakzio eta moldaketa lanak ere berak zuzendu ditu. Egun estaturik ez duten nazioen inguruko albisteak ere jasotzen ditu webguneak. Atlasaren hitzaurrea, berriz, eurodiputatu izandako eta egun Kataluniako Generalitateko Hizkuntza Politikarako kontseilari Bernat Joanek egin du.
BESTE BATASUNA. Europako estatu gabeko herrien atlasa martxoan plazaratuko du Eurominorityk
Internet bidezko informazio guneak 30 herrialderen argibideak aurkeztuko ditu; orotara 60 mapa osatuko ditu
Iruzkinak
Ez dago iruzkinik
Ordenatu
